Kabataang kaysarap balikan.Mga panahon ng kainosentihan.Walang ibang gusto kundi ang matuto sa mga bagay na makapagbibigay aliw nito.Ang pagiging bata ay isa lamang yugto sa buhay ng tao. Na kung saan walang ibang hilig gawin kundi ang maglaro. Na sa pamamagitan nito ay may matutonan silang mga mahahalagang bagay na makapag- uunlad sa kanilang sariling kakayahan at katatagan.
Hindi ko maitatangging lumaki akong isang napakalikot na bata hindi naman kasi ako masakitin. Walang ibang gusto kundi ang maglaro dito, maglaro diyan. Marami kasi kaming kapitbahay na may anak na kasing edad ko lang kaya marami akong kalaro. Lahat sila ay pawang aking mga kaibigan. Sabi nga nila“friendly” daw ako.
Karamihan sa mga laro na nilalaro ko kasama ang aking mga kaibigan ay ang mga sumusunod:
Balay-Balay
Ang tawag nila nito sa tagalog ay bahay-bahayan. Nagsimula akong maglaro nito noong nasakindergarten pa ako hanggang nasa ikalawang baitang na ako. Gumagawa kami ng bahay gamit ang sako ng bigas o di kaya’y sako ng feeds. Hindi naming nilalagyan ng kisame kasi kadalasan nasa loob lamang kami o di kaya’y nasa sala kami ng bahay ng aking mga kaibigan. Ang palagi kong ginagampanan ay ang pagiging tindera o di kaya’y negosyante. Nagtitinda ako ng mga pagkain na kung saan ay mga supot lang naman ng mga walang laman na “junkfoods”.Nagbibinta rin ako ng BBQ na mga katawan lang ng gabe. Itinutusok ko ito sa isang tikog, lulotuin kahit walang apoy. Ang aming pera ay yong mga tansan(1 piso), wrapper ng mga candies(snowbear-100 pisos, white rabbit-50 pisos).
Slipper Game
Dapat sa larong ito ay may dalawang grupo na may dalawa pataas ang myembro. Nangangailangan ito ng anim na tsinelas. Na kung saan ay diamond ang porma ng pag kakapwesto nito. Isa sa ibaba, isa sa itaas, isa sa bawat gilid, at isa sa gitna. Yong nasa gitna ay kung saan may pitcher na syang magpipitch at sisipain ng isa sa myembro ng kalaban ang tsinelas na pinipitch. At ang ibang kasamahan nong pitcher ay dapat saluin yong trinelas na sinepa. At kung nagkataon na masalo ang tsinelas ay evicted na yong tao na sumipa nito hanggat sa maubos na yong mga myembro at sila nanaman yong magiging taya.
Army- army
Nauso ang larong ito noong nasa ikaapat na ako na baitang. Grupo din ang larong ito. Dalawang grupo lang at kahit ilan ang myembro. Ang larong ito ay kung saan tinipon-tipon ang mga pares naming tsinelas, ilalagay sa gitna, ihahalo-halo. At bago simulan ang laro ay mag bato-batopik pa yong mga lider sa bawat grupo upang malaman kung sino iyong taya. Ang taya na grupo ay siya iyong babato ng tsinelas sa grupo na nanalo sa bato batopik. At yong nanalo na grupo ay sya yong babatuhin at mag pares-pares sa mga tsinelas na hinalohalo. Pagkatapos paresin at pagdikitin ang lahat ng tsinelas ay huhubarin nanaman ulit iyong mga pares ng tsinelas na pinagdidikit. Sapagkat yong mga myembro ng grupo na natamaan ng tsinelas ay out na. Hindi na maaring magpatuloy. At kung natamaan na lahat ay iyong grupo nanaman na taya noong una ang magpapares ng mga tsinelas at babatuhin.
Nescate
Napapanahon din ang larong ito. Ang larong ito ay dapat dalawang grupo. Bawat grupo ay may bahay. Kadalasan ang ginagawa naming bahay ay tsinelas. Na kung saan dapat munang tumapak doon bago tatakbo at echallenge mo yong ibang myembro ng grupo na makipaghabulan sayo.
Kung ikaw ay nahuli noong humahabol sayo at siya iyong huling nakatapak ng bahay nila ay magiging bihag ka na nila. Ang tanging paraan lang upang maligtas ka sa pagkabihag ay dapat mahawakan ang kamay mo sa kasamahan mo kaya palagi mong itaas ang kamay mo para hindi sila masyadong mahirapan pagligtas sayo.
Labay Lata
Ang pangunahing gamit lang na gagamitin para makapag laro nito ay isang latang maliit na walang laman at isang tsinelas. Isa lang ang taya. Ang taya ang siyang magbabantay sa lata na babatuhin ng kanyang mga kalaro ng tsinelas at siya din iyong huhuli sa kung sino man ang pupolut ng kanilang tsinelas na hindi pa natamaan iyong lata. Kaya dapat pupolutin lang iyong tsinelas kapag natamaan iyong lata para hindi ka mahuli at maging taya. At pag natamaan mo iyong lata at nakatayo o di kayay hindi siya natumba ay dapat unahan mo iyong taya sa pagtoktok ng tatlong beses. Dahil kung maunahan ka nong taya ay ikaw ang papalit sa kanya bilang taya.
Slipper mannequin
Sa larong ito isa parin ang taya. Siya ang hahagis ng tsinelas at sasaluin noong mga kalaro niya at kung hindi masalo ay dapat maging mannequin sila na para bang hindi kikilos hanggat hindi kinukuha nong tagahagis ang tsinelas. At kung mahuli sila nong tagahagis na kumilos sila at nakanganga iyong baba nila at nakita iyong ngipin ay papaluin ang kanilang binti depende sa kung ilan ang napagkasunduan. At kung masalo naman nang isa sa mga tagasalo ang tsinelas ay siya yong papalit sa tagahagis.
Tago-taguan
“Tago-taguan maliwanag ang buwan tayo’y maglaro ng tago taguan, mag bilang ako ng tatlo nakatago na kayo 1…2…3…”Ito ang sinasabi ng taya sa puntong tatago na yong mga kalaro niya. Dapat niyang hahanapin ang kanyang mga kalaro at ng makita na niya ay totoktok siya sa lugar na kung saan yon ang kanyang bahay kadalasan ay dingding o di kayay sa puno ng kahoy.
At kung sino yong unang nakita ay siya yong posibleng maging taya pag nakita na iyong iba. Ngunit pwede pa siyang tubusin nong mga kasamahan niya na hindi pa nakikita. Sa pamamagitan ng pagtoktok sa bahay nong taya.
Langit-Lupa
“Langit, lupa saan ka baba? Sa im-sa im sa imperno dili ako sa imperno kay mainit ang kalayo, saksak puso nitulo dugo”.
Sa pamamagitan noong kanta sa itaas ay pipili kami ng taya. Kung saan nakapoint yong kamay sa huling salita ng kanta ay siya ang magiging taya. Ang taya ay ang hahabol sa kanyang mga kalaro at kung sino man iyong kanyang mahuli ay siya nanaman ang magiging taya.
Halap-halap
Ang larong ito ay kung saan pinipiringan ang mata noong taya. Huhulihin niya iyong mga kalaro niya na nakapiring siya. Dapat ay isasatinig niya ang pangalan kung sakaling may mahuli siya. At kung hindi niya makikilala ang kanyang nahuli ay siya parin iyong taya. Kadalasan ang larong ito ay nilalaro sa maliit na silid lang para madali lang makahuli yong taya at mas interesting or challenging iyong laro.
Makikita natin na ang mga laro na nilalaro ko noon noong bata pa ako ay pambihira nalang ngayon na nilalaro ng mga kasalukuyang bata. Karamihan sa mga bata ngayon ay computer games ang nilalaro. Nagbababad sa harap ng computer, nag facebook, naglalaro ng DOTA, naglalaro ng KOS, o di kaya’y naglalaro ng Plant vs. Zombies, at ang uso ngayon na Angry Birds. Maiikompara natin ang noon at ngayon ay ibang-iba na. Siguro nga dahilan ito ng pagtaas ng ekonomiya at tumataas na din ang mentalidad ng tao na luma na lang iyong mga laro natin noon at mas sosyal ang mga laro ngayon. Sabi nga nila “SABAY SA PANAHON BA”. Pero ang tangi kong tanong nasaan na ba ang mga larong nilalaro ko noon?
No comments:
Post a Comment